我因某D原因要汇款去北京，先120元就困扰了我几乎大半个月，到宜家仲未解决。我响今年2月15日下午3点几顺便去北京路光明广场对面既农业银行办汇款，轮到我既时候。她问我汇去边？我说：“北京”她仲问我罗左地址。望左下先同我讲：“你依个系异地汇款，宜家汇唔到架啦。”“点解啊？”我问。“异地汇款要星期一，下午三点前过黎办理。我地集中一齐送过去。你下个星期一再黎过啦。”……
由于工作既关系一直都稳唔到一个星期一下午三点前系得闲既，所以依件事就先搁置……
直到今日，我终于等到星期一系通宵班到早上8点放工，打算补下眠三点前去银行汇款啦～为左可以三点前汇到款，我仲专等调左闹钟添。点知去到解放路果间农业银行，他睇左下我个汇款地址，他话我知异地汇款要响十二点之前，当时我成个人呆晒。我连饭到未吃走过黎，你话俾我听，“你过左时啦～”？“光明对面果间又话星期一下午三点前可以汇既？”“间间既系统都唔同架。”你稳家话我知要9：00之前汇啊～你地以为系得你地星期一要返工，个个都好得闲，等你地黎宣召几时可以汇几时唔得。
我想你异地汇款唔得，甘我跨行异地得了挂，至多我俾多D钱罗～于是我去又建行，问他可唔可以跨行异地汇款，他问边间银行，我话农行，他一句挞埋黎“你去农行汇咪得罗。”“汇到我就唔会黎问你啦～”废话！！！唔通我嫌钱多啊～